Read: 2 mins

Hmne aajtk yhi pdha or suna hai..ki Darr hmesha chizo ko kharab krta hai… Kehte hai na…

Jo dar gya samjho marr gya..

Kitni hi baar, kitni hi books me hmne pdha hai darne se kbhi bhi koi bhi cheez nhi paa skte, darr hmesha success ka raasta block kr deta hai..

 Or jab ek baar dimaag me darr baith gya toh hmare sochne samajhne ki Shakti bhi khatm si ho jati hai.

Toh kul milakar hm keh sakte hain..ki dar se zyada negative cheez koi ho hi nhi sakti..

Agar aap sab bhi aisa hi sochte hain..toh chaliye aaj dar ko ek naye nazariye se dekhte hain….

Imagine kariye…Aap ek nadi ko paar kr rae hain..or chal rae hain lakdi ek patle se pul pe…swabhavik si baat hai darr lag rha hoga ..ki kahi paanv fisal na jae,kahi aap pani me gir na jae..Ab zara gaur kariye..ki us time aapka concentration level kya hoga…Shayad 100 % se bhi zyada…

Toh jitna zyada Dyaan aapka darr se kendrit hota hai..shayad hi kisi or wajah se ho paata ho…Darr jitna Thehraav  aapke jeevan me lata hai..usko kisi bhi dusri chiz se compare kr hi nhi skte…

Agar hm koi exam de rae hai..toh bahut zaroori hai ki mann me kahi na kahi failure ka fear ho, shayad tb hi hm us exam k sath justice kr paege, stage pe perform kr rae hain..toh mann me thoda dar hona bahut zaroori hai ki kahi hm gir na jae…shayad tb hi hm bina gire sabse acha perform krne pe focus kr paege

Bahut zaroori hota hai..ki hm hr samay jo bhi chiz kr rae hain, uske kharab ho jaane ka darr mann me ho…shayad tb hi hm apni poori jaan lga dege.usse behtar se behtar krne mein..

Par kehte hain na…

Kisi bhi chiz ki ati achhi nhi hoti…Jeevan me Santulan bahut zaroori hai..

Toh dar bhi itna hona chaiye..ki wo hmara concentration bdha sake… hmare andar wo thehraav la sake jo bahut zaroori hai…kisi bhi khwaish ko poora krne k liye…

Bs krna itna sa hai…ki us dar ko apne pairo ki zanjeer nhi bnne dena hai…

Kbhi iss naye nazariye se bhi darr ko samajhne ki koshish kariyega..shayad Darr ka Darr thoda kam ho jae

4
penpaperandheart Blog 🖋📜❤
Subscribe
Notify of
guest

This site uses Akismet to reduce spam. Learn how your comment data is processed.

0 Comments
Inline Feedbacks
View all comments