Read: 3 mins

Jab hmara janm hota hai…sabse pehleguru jo hme milte hain wo hote hain hmare parents …teachers se pehle wo hi hme na jaane kitni hi baate sikhate hain. But unse bhi accha gyan dete hain hme hmare bde bhai behen . Par Krishna ji wo to swayam hi itne gyani the ..ki jab unke bade bhai Balram sahi or galat ka chunav nhi kr pa rae the. Krishna ji ne unke mann ka andhera door kiya..or unhe btaya ki kbhi kbhi jo pratyakshya dikhta hai sach won hi hota . Balki sach ke piche chhupa sach dekhna pdta hai.Β  Unhone unhe gyan dia daya or karuna ka…

Toh aaj Krishna seekh k iss bhag me hm usi gyan ki baat krege jo Krishna ne Balram ko dia..

Kehte hai na jaisa baccha bado ko dekhta hai krte huye..wo bhi wahi krta hai..usi tarah jo kuch bhi praja dekhti hai apne raja ko krte huye wo bhi wahi krti hai . Jab se kaurvo or pandavo k bich Dyut krida ka khel hua tha or jis tarah Yudhishthir ne apni patni draupadi ko daav pe lga dia . Usi tarah ab saari praja usi tarah ka ghinona khel khelne lgi thi . Ek bar jab Balram Krishna k sath kahi ja rae the unhone raaste me isi tarah ka anyaay hote huye dekha..toh unhe bht gussa aya wo dharma k bachaav k liye us aadmi ko maarne lge jisne apni patni ko daav pe lgaya tha . Jispe Krishna ji ne unhe smjhaya ki ek ko maar k kya hoga..ye burai toh ab saare samaj me fail chuki , Iska ant is tarah sambhav nhi hai.

Tab Balram ne Krishna se kaha ki ye saari galti sirf yudhishhtir ki hai..na usne apni patni ko daav pe lagaya hota..na yu bhare darbaar me Draupadi ka apmaan hota . or na hi log usi raah pe chlte .Β  Balram ne kaha ki sirf yudhishthir ki wajah se hi Draupadi ka apmaan hua..or aaj usi ki wajah se Yuddh ki sthiti aa gai hai kaurvo or pandavo k bich.

Iss par Krishna ne balram ko smjhaya …nhii Dau Drauapdi ka apmaan Yudhishthir k kaaran nhi hua . Usko peeda yuddhisthir k kaaran nhi pahuchi balki sabke adig vyavhaar ki wajah se pahuchi . Us darbar ne sabne adig pratigya le rkhi thi..Yuddhisthir ne apni baat se na palatne ki .Β  Bhisma pitamah ne hmesha kaurvo ka sath dene ki or sabne hi . Agar us din kis ek ne bhi apni pratigya tod di hoti toh itna bda Adharma nhi hota.

Tab Balram ne Krishna se pucha ki pratigya todna Adharma nhi hai kya .

Iss par Krishna ne unhe smajhaya ki Dharma ek Vrikshya hai or pratigya uski shakha lekin us dharma naamak Vrikshya ki jad toh karuna or daya hi hai . Us din agar Draupadi ki peeda ko dekh kr agr Pratigya naamak Shakha ko kaat bhi dia jata toh bhi Dharma bch jata . Lekin nhi sabne toh karuna or daya naamak jad Β ko hi tyaag dia..isiliye dhrma vrikshya ki bhi mrityu ho gai us din . Kbhi kbhi dusro ki peeda ko dekh k apne sidhhanto me kuch badlaav krna hi sabse bda dharma hota hai.

Sahi hi kaha Krishna ji ne…kbhi kbhi hme apne principles..apne comfort zone ko chhodna bht zaroori ho jata hai..bs isliye ki samne wala jo ki hmara apna hi hai ..usse takleef na ho . Kabhi kabhi dusro ko dukh na pahuche bs isliye hm apni adat badal lete hain…ise hi compassion kehte hain ..kruna kehte hai . Or mahabhrat me kaha gya hai..Ki daya or karuna se bda toh koi dhram hai hi nhi..

Kindness and Compassion ..they are the only two things which keep the world running.

Or aisa nhi hai ki kisi apne k liye agr hm apne rules bdl lenge to hme takleef hogi . Arre ek baar krke toh dekhiye usse bdi khushi..usse zyada peace kisi chiz me hai hi nhi . jab hme pta chle ki hmara apna hmare wajah se khush hai . Dusro ko khushi dene k liye unhe dukh pahuchne se bchane k liye kbhi kbhi bht zaroori hota hai ki hm apna rigid behavior chhod de. Isme sirf unko nhi hmko bhi khushi milegi ..shyad unse bhi zyada khushi.

So whenever the world around you runs out of the kindness you have to be little more kind that’s how you can balance the happiness in the world

9
penpaperandheart Krishna Seekh πŸ–‹πŸ“œβ€
Subscribe
Notify of
guest

This site uses Akismet to reduce spam. Learn how your comment data is processed.

2 Comments
Oldest
Newest Most Voted
Inline Feedbacks
View all comments
Anchal Verma
Anchal Verma
5 months ago

Nice lesson πŸ‘

Vijaylaxmi
Vijaylaxmi
5 months ago

Very nice πŸ‘πŸ‘